July 6, 2017

C/CCR-AS

Download press release


ထပ်မံသိရှိလိုသည့် အချက်များရှိပါက မီဒီယာများဆက်သွယ်ရန်

ဝတ်ရည်အောင်
သတင်း၊ မီဒီယာဆိုင်ရာဆက်ဆံရေးတာဝန်ခံ
Bosch Myanmar ကိုယ်စားလှယ်ရုံးခွဲ
Tel: +951 663 616, Mobile: +959 4500 60071
Email: yiaung.wutt@bosch.com

မြန်မာနိုင်ငံရှိ လမ်းမများပေါ် ယာဉ်အန္တရာယ်ကင်းရှင်းအောင် ဆက်လက် ပံ့ပိုးသွားမည်
မြန်မာနိုင်ငံတွင် အများပြည်သူများ ယာဉ်အန္တရာယ်ဖြစ်ပွားမှုမှ ကင်းဝေး စေရန် Bosch က ထုးခြားသော ဖန်တီးမှုနှင့်အတူ ပညာပေးလှုပ်ရှားမှု အဖြစ် “Beauty Beneath” project ကိုလုပ်ဆောင်

  • Boschက မြန်မာနိုင်ငံလမ်းမများပေါ်ရှိ မော်တော်ယာဉ်များတွင် ယာဉ်အန္တရာယ် ပိုမိုကင်းရှင်းစေရန်နှင့် ဖြစ်လေ့ရှိသည့် ယာဉ်မတော်တဆမှုများကို ယာဉ်မောင်းသူများ ပိုမိုသတိထားမိပြီး ရှောင်ရှားနိုင်ရန် မြန်မာနိုင်ငံမှ ဂရပ်ဖတီပညာရှင်အာကာကျော်နှင့် ပူးပေါင်းလုပ်ဆောင်ထားသည်။
  • ဟောင်းနွမ်းပြီး ရေညှိတက်နေသော တိုက်နံရံမှ လမ်းအန္တရာယ်ကင်းရှင်းရေး အသိပညာ ပေးသည့် ပညာပေးလှုံဆော်မှုပုံရိပ်အဖြစ် ပြောင်းလဲခဲ့သည်။
  • အရှေ့တောင်အာရှနိုင်ငံများအနက် မြန်မာနိုင်ငံသည် ယာဉ်မတော်တဆဖြစ်ပွားမှုကြောင့် သေဆုံးသည့်ဦးရေ စတုတ္ထမြောက် အများဆုံးနိုင်ငံဖြစ်သည်။ Bosch ၏ နည်းပညာက ထိုသေဆုံးမှုနှုန်းကို လျှော့ချနိုင်အောင် ကူညီဆောင်ရွက် ပေးနိုင်မည်ဖြစ်သည်။
  • Beauty Beneath project သည် အရှေ့တောင်အာရှတွင် Bosch မှ လှုပ်ရှားနေသော “We Help Make A Difference” (ပြောင်းလဲမှုများစွာနည်းပညာဖြင့် ကူညီပံ့ပိုးပေးမှာပါ) campaign မှ ဖန်တီးမှုတစ်ခုဖြစ်သည်။

ရန်ကုန် ၊ မြန်မာ - ကမ္ဘာလုံးဆိုင်ရာ နည်းပညာနှင့် ဝန်ဆောင်မှုကဏ္ဍ၌ ဦးဆောင်နေသော Bosch က မြန်မာနိုင်ငံရှိ လမ်းမများတွင် မတော်တဆဖြစ်ပွားမှုအန္တရာယ်နှင့် ယာဉ်အန္တရာယ် ကင်းရှင်းရန် ရည်ရွယ်ပြီး ၎င်း၏ တစ်စိုက်မတ်မတ်လုပ်ဆောင်မှုကို ပြသသည့် အနေဖြင့် ‘Beauty Beneath’ ဟုအမည်ရသော လှုပ်ရှားမှုတစ်ခုကို အကောင်အထည်ဖော် ဆောင်ရွက် ခဲ့သည်။ မြန်မာနိုင်ငံတွင် ကျော်ကြားသော ဂရပ်ဖတီအနုပညာရှင် အာကာကျော်နှင့် ပူးပေါင်းပြီး မရမ်းကုန်းမြို့နယ် ဘုရင့်နောင်လမ်းတွင်ရှိသော ဟောင်းနွမ်းရေညှိတက်နေသည့် ကန်ထရိုက် တိုက်နံရံကို ဆေးရောင်စုံမသုံးဘဲ တမူထူးခြားသည့် နည်းပညာဖြစ်သော Bosch pressure washer နှင့် ရေကိုသာအသုံးပြုပြီး အဆိုပါ တိုက်၏နံရံတွင် ခြယ်မှုန်းပုံဖော်ခဲ့သည်။

“ယာဉ်လမ်းအန္တရာယ် ကင်းရှင်းရေးဆိုတဲ့စကားက ကျွန်တော်တို့ တစ်ဦးတစ်ယောက်ချင်းစီရဲ့

ဘဝတွေအတွက် နေ့စဉ်တိုင်းမှာ အရေးကြီးလှပါတယ်။ နှစ်စဉ်နှစ်တိုင်း လူသန်းပေါင်းများစွာ ဟာ ယာဉ်မတော်တဆဖြစ်ပွားပြီး ထိခိုက်ဒဏ်ရာရရှိခြင်း ဒါမှမဟုတ် အသက်ဆုံးရှုံးမှုတွေ ကြုံတွေ့နေရပါတယ်။ မော်တော်ယာဉ်သုံးဆက်စပ်ပစ္စည်းတွေကို ထောက်ပံ့ပေးနေတဲ့ ကုမ္ပဏီ တစ်ခုဖြစ်တဲ့ Bosch အနေနဲ့ နည်းပညာအကူအညီနဲ့ မော်တော်ယာဉ်တွေကို ဘေးအန္တရာယ် ကင်းရှင်းပြီး လုံခြုံစိတ်ချရအောင် ကူညီပေးသွားမှာပါ” ဟု မြန်မာ၊ ကမ္ဘောဒီးယားနှင့် လာအို နိုင်ငံတို့ကို တာဝန်ယူထားသော Bosch ၏ Managing Director Andre de Jong က ပြောသည်။ “ကျွန်တော်တို့က Beauty Beneath အစီအစဉ်နဲ့ မြန်မာနိုင်ငံမှာ လမ်းနဲ့ ယာဉ်အန္တရာယ်ကင်းရှင်းဖို့ အသိပညာပေးသွားမှာပါ။ မြန်မာနိုင်ငံက ဂရပ်ဖတီ အနုပညာရှင် အကူအညီနဲ့ ဟောင်းနွမ်းရေညှိတက်နေတဲ့ တိုက်နံရံကို အမြင်တမျိုး ထူးခြားပြီးလှပတဲ့ တိုက်နံရံလေးဖြစ်အောင် အဆင့်မြှင့်တင်ပေးခဲ့တာပါ”ဟု ၎င်းက ဖြည့်စွက်ပြောကြားခဲ့သည်။ ‘Beauty Beneath’ သည် အရှေ့တောင်အာရှတွင် Bosch က လုပ်ဆောင်နေသည့် “ပြောင်းလဲမှုများစွာ နည်းပညာဖြင့် ကူညီပံ့ပိုးပေးမှာပါ ” campaign ၏ ဖန်တီးမှုအစိတ်အပိုင်း တစ်ခု ဖြစ်ပါသည်။

ထူးခြားသော အနုပညာဖန်တီးမှုတစ်ခုအတွက် ပန်းချီဆရာ၏ တင်ပြမှု

ဂရပ်ဖတီ အာကာကျော်သည် ဟောင်းနွမ်းရေညှိတက်နေသော တိုက်နံရံကို Bosch ၏ Power Tools (လုပ်ငန်းခွင်သုံးစွမ်းအင်မြင့်ကိရိယာ)ပစ္စည်းများအနက် စွမ်းအားမြင့် ရေဖိအားသုံး power washer ကိုအသုံးပြုပြီး တမူထူးခြားသော ပန်းချီဖန်တီးမှုကို ရေးခြယ်ခဲ့သည်။ Bosch Pressure Washer သည် ရေဖိအားအပြည့်ဖြင့် အညစ်အကြေးများကို ရှင်းလင်းသန့်စင် နိုင်သော စိတ်ချယုံကြည်ရသည့်အရည်အသွေးမြင့် ပစ္စည်းဖြစ်ပါသည်။

ပေ ၁၂၀ x ၆၀ ရှိသော နံရံသည် လူနေထူထပ်ပြီး ကားလမ်းကျပ်သည့်အပြင် လူတိုင်း အလွယ်တကူမြင်နိုင်သည့် နေရာတွင်ရှိပါသည်။ နံရံပေါ်တွင် ရေးဆွဲထားသည့် အသိပညာပေး ပန်းချီပုံတွင် ကျောင်းသား၊ ကျောင်းသူကလေးများ လမ်းဖြတ်ကူးနေသော ပုံပါဝင်ပြီး ပုံမှန်အားဖြင့် ယာဉ်မောင်းနှင့် ကားများကိုသာ ပညာပေးသရုပ်ပြများ ဖော်ဆောင်လေ့ရှိပြီး ယခုပုံတွင် လမ်းသွားလမ်းလာများမှလည်း မိမိတို့အတွက် အချိန်မရွေး ဖြစ်တတ်သည့် ယာဉ်အန္တရာယ် သတိထားသင့်ကြောင်းနှင့်အတူ ယာဉ်မောင်းသူများအား ယာဉ်များကို ဂရုတစိုက်နှင့် မောင်းနှင်ကြရန် နှိုးဆော်တိုက်တွန်းထားသော မြန်မာဘာသာဖြင့် ရေးသားထား သည့် စာသားလည်း ပါဝင်သည်။

“ကင်းဗတ်အထည်စမှာပဲဆွဲဆွဲ၊ နံရံမှာပဲဆွဲဆွဲ ပန်းချီဆိုတာဟာ ကျွန်တော်တို့လို အနုပညာရှင် တွေရဲ့ အတွေးစိတ်ကူးလေးတွေကို ဖော်ပြပေးတဲ့ကြားခံတစ်ခုပါပဲ။ ဒီ Beauty Beneath အစီအစဉ်ဟာ မြန်မာနိုင်ငံသူ၊ နိုင်ငံသားတွေကို ယာဉ်အန္တရာယ်ကင်းရှင်းဖို့ သတိပေးနှိုးဆော် တဲ့ လှုပ်ရှားမှုလေးဖြစ်ပြီး ဒီလိုအစီအစဉ်မျိုးမှာ ပါဝင်ခွင့်ရတဲ့အတွက် ကျွန်တော်အထူးပဲ ဝမ်းသာမိပါတယ်” ဟု အာကာကျော်က ပြောကြားခဲ့သည်။ အာကာကျော်၏ ပန်းချီကားများ သည် ထိုင်းနိုင်ငံနှင့် အင်ဒိုနီးရှားနိုင်ငံတို့တွင် ပြသပြီးဖြစ်သည်။ သူသည် ရန်ကုန် အနုပညာတက္ကသိုလ် ကျောင်းဆင်းတစ်ဦးလည်းဖြစ်သည်။ အာကာကျော်သည် ပန်းချီ အနုပညာရှင် တစ်ယောက်အနေနှင့် street art နှင့် ၂၀၁၂ ခုနှစ်က ယခင် အမေရိကန် ပြည်ထောင်စု သမ္မတ အိုဘားမား၏ နံရံဆေးရေးပန်းချီ၊ ၂၀၁၃ ခုနှစ်က ယခင် မြန်မာနိုင်ငံတော်သမ္မတဦးသိန်းစိန်၏ နံရံဆေးရေးပန်းချီစသော နာမည်ကြီး ပန်းချီအတော် များများကိုလည်း ရေးဆွဲခဲ့သူဖြစ်သည်။ ယခုနှစ်အစောပိုင်းကလည်း အာကာကျော်သည် နံပါတ် ၂ အနုပညာရပ်ဝန်း ဟူသော street artist များ စုစည်းရာ နေရာလေးကို ရန်ကုန်တွင် ပူးတွဲတည်ထောင်ခဲ့သည်။

Bosch ၏ ယာဉ်အန္တရာယ်ကင်းရှင်းရေး ပညာပေးနှိုးဆော်မှုများလုပ်ဆောင်ရာတွင် street art ကိုအသုံးပြုမှုသည် Beauty Beneath တွင် ပထမဆုံးမဟုတ်ဘဲ ၂၀၁၄ ခုနှစ်က ကမ္ဘာအေး ဘုရားလမ်းတွင် ပြုလုပ်သော ယာဉ်အန္တရာယ်ကင်းရှင်းရေး သတိပေးနှိုးဆော်မှု လုပ်ရာတွင် လည်း မီတာ ၁၅၀ အရှည်ရှိသောနံရံတွင်လည်း ယခုကဲ့သို့ပင် street art ကို အသုံးပြုခဲ့သည်။

Bosch နည်းပညာသည် ယာဉ်အန္တရာယ်ကင်းရှင်းရေးဖြင့် တန်ဖိုးကြီးလှသော လူ့အသက်ပေါင်း များစွာကို ကာကွယ်ရန် ဖြစ်သည်။

မြန်မာနိုင်ငံသည် အရှေ့တောင်အာရှတွင် ယာဉ်မတော်တဆမှုကြောင့် အသက်ဆုံးရှုံးမှုတွင် စတုတ္ထအများဆုံးနိုင်ငံဖြစ်ကြောင်း မြန်မာနိုင်ငံယာဉ်လမ်းအန္တရာယ်ကင်းရှင်းရေး အဖွဲ့၏ လေ့လာချက်အရ သိရသည်။ ၂၀၁၆ ခုနှစ်တစ်နှစ်တည်းတွင်ပင် ယာဉ်မတော်တဆ ဖြစ်ပွားမှုပေါင်း ၁၆,၀၀၀ ထက်မနည်းဖြစ်ပွားခဲ့သည်။ ၂၀၁၆ ခုနှစ်တွင် ခန့်မှန်းခြေနေ့စဉ် လူ ၁၃ ဦးသည် ယာဉ်မတော်တဆမှုကြောင့် အသက်ဆုံးရှုံးခဲ့ရသည်ဟု စာရင်းဇယားများက ဖော်ပြသည်။ ထို့ပြင် ၂၀၁၇ ခုနှစ် ပထမလေးလတွင် ယာဉ်မတော်တဆဖြစ်ပွားမှုကြောင့် ပျက်စီးဆုံးရှုံး သွားသည့် စုစုပေါင်း ခန့်မှန်းတန်ဖိုးမှာ နေ့စဉ် ပျမ်းမျှ ကျပ် ၁၁.၆ သန်းခန့်ရှိသည်။ ထိုအချက် များကြောင့် ယာဉ်အန္တရာယ်ကင်းရှင်းရေးသည် အရေးတယူဆောင်ရွက်ရမည့် ကိစ္စရပ်ဖြစ်လာစေပြီး သိပ်မကြာခင်နှစ်များတွင် ကဏ္ဍပေါင်းများစွာ၏ အရေးတယူ ဆောင်ရွက် မှုများ ဖြစ်ပေါ်လာနိုင်သည်။

“Bosch က မော်တော်ယာဉ်များ၏ လုံခြုံရေးတိုးမြှင့်စေဖို့ နည်းပညာရပ်များ တီထွင်နေတဲ့ ယာဉ်အန္တရာယ် ကင်းရှင်းရေးဆိုင်ရာ အားပေးထောက်ခံတဲ့ အဖွဲ့အစည်းများထဲက တစ်ဖွဲ့လည်း ဖြစ်ပါတယ်။ သက်ဆိုင်ရာအဖွဲ့အစည်းများနဲ့အတူ လုပ်ဆောင်ရင်း ယာဉ်လမ်းအန္တရာယ် လုံခြုံ စိတ်ချရရေး မဖြစ်မနေလုပ်ဆောင်သင့်သည့်အသိပညာပေး လုပ်ရပ်တွေအတွက် ကျွန်တော်တို့ ရဲ့ ဗဟုသုတနဲ့ ကျွမ်းကျင်မှုများကို ဝေမျှပေးဖို့ ရည်ရွယ်ပါတယ်” ဟု de Jong ကပြောသည်။

Bosch က ယာဉ်အန္တရာယ်ကင်းရှင်းရေး ပတ်ဝန်းကျင်ဖြစ်ပေါ်စေရန် ရည်မှန်းချက်ဖြင့် အဆင့်မြင့် နည်းပညာများ ပေါင်းစပ်ထားသည့် ဝန်ဆောင်မှုများနှင့် ထုတ်ကုန်များကို ၁၉၇၈ ခုနှစ်မှစတင် လုပ်ကိုင်လျက်ရှိသည်။ ကုမ္ပဏီသည် ABS စနစ်ဟု အတိုကောက်ခေါ်သည့် ကမ္ဘာ့ပထမဆုံး Antilock ဘရိတ်စနစ် (လမ်းမချော်စေရန် ဘီးတစ်ဘီးချင်းစီ၏ လှုပ်ရှားမှုအား ထိန်းချုပ်ပေးသည့်စနစ်) ကို ခရီးသည်တင်ကားများအတွက် တီထွင်ခဲ့သည်။ ထိုစနစ်သည် အရေးပေါ်အခြေအနေတွင် မော်တော်ယာဉ်အားဘရိတ်အုပ်ရာတွင် ကားဘီးအားလိုသလို ထိန်းချုပ်နိုင်ပြီး ယခုအခါတွင် ကမ္ဘာအနှံ့အပြားတွင် တွင်တွင်ကျယ်ကျယ် အသုံးပြုနေသော နည်းပညာဖြစ်လာသည်။ ထိုတီထွင်မှုသည် ယာဉ်မောင်းအား ကားစတီယာရင် ထိန်းချုပ်နိုင်ရန် အကူအညီပေးပြီး တစ်ချို့အခြေအနေများတွင်မူ ယာဉ်အား ရုတ်တရက်ဘရိတ်အုပ်ရာတွင် လမ်းမချော်သွားစေရန်နှင့် အချိန်တိုအတွင်း ယာဉ်ကိုလုံးဝရပ်တန့်သွားနိုင်စေရန် ထိန်းချုပ် ပေးသည်။ ၁၉၉၅ ခုနှစ်တွင် ကမ္ဘာ့ပထမဆုံး Electronic Stability Program (ယာဉ်မောင်းသူ၏ စတီယာရင် အခြေအနေကို စစ်ဆေးပေးသည့် အဆင့်မြင့်အာရုံခံစနစ်) ကို ထုတ်လုပ်ခြင်းဖြင့် နည်းပညာများကို မြင့်သည်ထက်မြင့်လာအောင် အားထုတ်ခဲ့ကြသည်။ ၎င်းအာရုံခံစနစ်ကို ကမ္ဘာတလွှားရှိ အသစ်ထုတ်လုပ်လိုက်သော ယာဉ်များ၏ ၆၄ ရာခိုင်နှုန်းခန့်တွင် တပ်ဆင် အသုံးပြုနေပြီဖြစ်သည်။

Bosch သည် ယခုလက်ရှိ၌ မြန်မာနိုင်ငံရှိ Bosch Car Service လုပ်ငန်းခွဲအောက်တွင် ရှိသော ကားပြုပြင်ထိန်းသိမ်းရေးလုပ်ငန်းများနှင့်အတူ ယာဉ်အန္တရာယ် ကင်းရှင်းစေရေး အရည် အသွေးပြည့်မီသော Bosch ၏ ထုတ်ကုန်များကို တင်သွင်းထောက်ပံ့ပေးခြင်းဖြင့် ယာဉ်များကို အန္တရာယ်ကင်းစိတ်ချရစေရန် ကူညီဆောင်ရွက်ပေးလျက်ရှိသည်။

 


မြန်မာပြည်ရှိ Bosch အကြောင်း။

လက်ရှိမြန်မာနိုင်ငံရှိ BOSCH ကုမ္ပဏီကို ၂၀၁၂ ခုနှစ်မှစတင်ပြီး အရှေ့တောင်အာရှ ကုမ္ပဏီ လီမိတက်မှ Robert Boschက တာဝန်ယူ ဆောင်ရွက်ခဲ့သည်။ လက်ရှိ မြန်မာနိုင်ငံ စီးပွားရေး လုပ်ဆောင်မှုတွင် Thermotechnology (အပူစွမ်းအင်သုံး နည်းပညာ)၊ Security Systems (လုံခြုံရေးဆိုင်ရာနည်းစနစ်)၊ Power Tools (စွမ်းအင်သုံးကိရိယာများ)၊ Automotive Aftermarket (မော်တော်ကားဆိုင်ရာ ရောင်းချပြီး ဆင့်ပွားဈေးကွက်) နှင့် Drive and Control Technology (ယာဉ်၊ ယန္တရားကြီးများဆိုင်ရာ ထိန်းချုပ်မောင်းနှင်သုံး နည်းပညာများ ပါဝင်ပါသည်။ Robert Bosch(SEA) Pte Ltd., သည် စင်ကာပူနိုင်ငံတွင် တည်ရှိခဲ့ပြီး Bosch လုပ်ငန်းစု၏ လုပ်ငန်းစဉ်များကို ကိုယ်စားပြု လုပ်ဆောင်ပေးနေသော ဒေသခံ ကုမ္ပဏီ တစ်ခုဖြစ်သည်။ ASEAN နိုင်ငံ (၁၀) နိုင်ငံမှ လုပ်ငန်းခွဲများမှ Robert Bosch (SEA)Pte Ltd., သို့ အစီရင်ခံစာများ ပေးပို့ရသည်။

အသေးစိတ်သတင်းအချက်အလက်များ ထပ်မံသိရှိလိုပါက www.mm-bosch.com နှင့် www.facebook.com/BoschMyanmar/ တို့တွင် ဝင်ရောက်လေ့လာနိုင်ပါသည်။

Bosch အဖွဲ့အစည်းများအကြောင်း။

Bosch လုပ်ငန်းစုသည် ကမ္ဘာလုံးဆိုင်ရာ နည်းပညာနှင့် ဝန်ဆောင်မှုလုပ်ငန်းများ လုပ်ကိုင်နေသည့် ထိပ်တန်းအဖွဲ့အစည်းတစ်ခု ဖြစ်ပါသည်။ ကမ္ဘာအနှံ့အပြားရှိ Bosch လုပ်ငန်းစုတွင် ဝန်ထမ်းအရေအတွက်သည် အကြမ်းဖျဉ်းအားဖြင့် ၃၉၀,၀၀၀ (၂၀၁၆ ခုနှစ်၊ ဒီဇင်ဘာ ၃၁) ရှိပြီးဖြစ်သည်။ ကနဦး ထုတ်ပြန်ချက်အရ ၂၀၁၆ ခုနှစ်အတွင်း ကုမ္ပဏီ၏ ရောင်းအားပမာဏသည် ယူရို ၇၃.၁ ဘီလီယမ်ထိ မြင့်တက်လာခဲ့သည်။ ကုမ္ပဏီက လက်ရှိလုပ်ကိုင်နေသည့် လုပ်ငန်းခွဲ (၄) ခုရှိပါသည်။ Mobility Solutions (ရွေ့လျား ယာဉ်များဆိုင်ရာနည်းပညာ)၊ Industrial Technology (စက်မှုနည်းပညာ)၊ Consumer Goods (လူသုံးကုန်ပစ္စည်းများ) နှင့် Energy and Building Technology (စွမ်းအင်နှင့် တည်ဆောက်ခြင်းနည်းပညာ) တို့ဖြစ်ပါသည်။ ကွန်ရက်ချိတ်ဆက်အသုံးပြု နည်းပညာ ဦးဆောင်သူဖြစ်သော Bosch လုပ်ငန်းစုအနေဖြင့် ခေတ်မီနေအိမ်၊ မြို့တော်များဖြစ်လာစေရေး အတွက် ရွေ့လျားမှုဆိုင်ရာပေါင်းစပ်ဆက်သွယ်အသုံးချနည်းပညာ၊ စက်မှုလုပ်ငန်းဆိုင်ရာ ဆက်သွယ်အသုံးချ ခေတ်မီနည်းပညာများကို တီထွင်ထုတ်လုပ် နေပါသည်။ အထူးသဖြင့် အာရုံခံစနစ်၊ IoT cloud စသော ကွန်ပျူတာနည်းပညာသုံး ဖြေရှင်းနည်းလမ်းဝန်ဆောင်မှုဖြင့် သုံးစွဲသူများအတွက် သတင်းအချက်အလက်များကို လွယ်ကူလျင်မြန်စွာ ပေါင်းကူးအသုံးချ နိုင်စေရေး ကူညီဆောင်ရွက်ပေးနေပါသည်။ Bosch လုပ်ငန်းစုကြီး၏ အဓိကမဟာဗျူဟာ လုပ်ငန်းစဉ်မှာ နည်းပညာအသုံးပြုဆက်သွယ်ဖြေရှင်း နည်းလမ်းများ၊ အားကြိုးမာန်တက် တီထွင်ထုတ်လုပ်ထားသော ခေတ်မီကုန်ပစ္စည်းများနှင့် ဝန်ဆောင်မှုများဖြင့် ကမ္ဘာတဝန်းရှိ လူနေမှုဘဝများ ပိုမိုအဆင်ပြေစွာ နေထိုင်နိုင်ရေး ဖြစ်ပါသည်။ အတိုချုပ်အနေဖြင့်ဆိုရလျှင် “ဘဝတစ်သက်တာစက်မှုနည်းပညာ” ဆိုသည့် အတိုင်း လူမှုဘ၀များအတွက် ခေတ်မီ စက်မှုနည်းပညာများ တီထွင်ထုတ်လုပ်နိုင်ရေး ဖြစ်ပါသည်။ Bosch အဖွဲ့များတွင် လက်အောက် ဌာနခွဲ ၄၄၀ နှင့်အတူ Robert Bosch GmbH တို့အပြင် အခြားနိုင်ငံ (၆၀) မှ ကုမ္ပဏီများ ပါဝင်ပါသည်။ အရောင်းနှင့် မိတ်ဖက်လုပ်ငန်း ပါတနာများ၊ ကမ္ဘာအနှံ့ထုတ်လုပ်မှုများ၊ စက်မှုလုပ်ငန်းများ ထည့်တွက်ပါက Bosch လုပ်ငန်းစုသည် ကမ္ဘာအနှံ့ရှိ နိုင်ငံတိုင်းနီးပါးတွင် ဝင်ရောက်လုပ်ကိုင်နေပါသည်။ Bosch လုပ်ငန်းစု၏ အနာဂတ်အောင်မြင်မှုအတွက် အခြေခံ အချက်မှာ တီထွင်ဆန်းသစ်မှုအင်အား ဖြစ်သည်။ ကမ္ဘာအနှံ့ရှိ Boschလုပ်ငန်းစု လက်အောက် ဌာနခွဲ တည်ရှိရာနေရာပေါင်း ၁၂၀ တွင် သုတေသနနှင့် တီထွင်ဆန်းသစ်မှုဆိုင်ရာ လုပ်ငန်းစဉ်များအတွက် ဝန်ထမ်းပေါင်း (၅၉၀၀၀) ခန့်အပ်ထားပြီးဖြစ်သည်။

ကုမ္ပဏီကို “မှန်ကန်တိကျသော စက်မှုနည်းပညာနှင့် လျှပ်စစ်အင်ဂျင်နီယာ အလုပ်ရုံ” ဟု အစပြု၍ ရောဘတ်ဘော့ရှ် (၁၈၆၁-၁၉၄၂) က ၁၈၈၆ ခုနှစ်၊ စတုဂတ်မြို့တွင် စတင် တည်ထောင်ခဲ့ပါသည်။ ရောဘတ်ဘော့ရှ်၏ တမူထူးခြားသော လမ်းစဉ်တည်ဆောက်မှုသည် ရေရှည်တည်မြဲမှုနှင့် အရေးပါ၍ လုံခြုံစိတ်ချရသော အနာဂတ်ကနဦး ရင်းနှီးမြှပ်နှံမှု၊ ဘော့ရ်ှအဖွဲ့၏ လွတ်လပ်သော ဟန်ပန်ပါသည့် အာမခံပေးနိုင်မှု စသည်တုို့ပင်ဖြစ်သည်။ ရောဘတ်ဘော့ရ်ှစတဖ်တန် (Robert Bosch Stiftung GmbH) ၏ ၉၂ ရာခိုင်နှုန်းသော အစုရှယ်ရာများသည် ရောဘတ်ဘော့ရှ် စတဖ်တန် (Robert Bosch Stiftung GmbH) အလှူဒါနအဖွဲ့အစည်းအဖြစ် တည်ရှိပါသည်။ ရောဘတ်ဘော့ရှ် လုပ်ငန်းစု၏ အဓိက ဆန္ဒမဲပေးခွင့်ကို (Robert Bosch Industrietreuhand KG) က စက်မှုလုပ်ငန်းပိုင်းဆိုင်ရာ အဓိကထားမှုဖြင့် ဆုပ်ကိုင်ထားသည်။ ဤလုပ်ငန်း၏ ပိုင်ဆိုင်မှု လုပ်ဆောင်ချက်များသည် လုပ်ငန်းစုကြီး၏ ယုံကြည်စိတ်ချရသောသူများမှ ဦးဆောင်လုပ်ကိုင်နေပါသည်။ ကျန်ရှိနေသော အစုရှယ်ယာများကို ဘော့ရ်ှမိသားစုဝင်များနှင့် ရောဘတ်ဘော့ရ်ှတို့က လက်ဝယ်ကိုင်ဆောင် ထားပါသည်။

ထပ်မံသိရှိလိုသည့် အသေးစိတ် သတင်းအချက်အလက်များရှိပါက အောက်ပါလိပ်စာများတွင် ဝင်ရောက် ကြည့်ရှုနိုင်ပါသည်။

www.bosch.com , www.bosch-press.com , http://twitter.com/BoschPresse